S Kworum in dr Politik

E Stimm gege dr Themistokles us am antike Athen. Dr Plutarch verzelt, ass in dr attische Demokratii bim Schärbegricht ä Kworum vo 6'000 nöötig gsi isch. En äänligs Kworum het s brucht, zum öbberem s Bürgerrächt vo Athen z gee

E Kworum (latiin. für vo dene) in dr Politik isch die chliinst Zaal vo Stimme wos brucht, für dass e Waal oder en Abstimmig gültig isch. Kworene gits in dr representative Demokratii (bi Waale) und au in dr diräkte Demokratii (bi Abstimmige). Dr Usdruck „Kworum“ wird allerdings vor allem uf Abstimmige bezooge, wääred bi Waale vilmol von ere „Mindestwaalbedäiligung“ greedet wird. Mä füert e Kworum ii, für dass es bin ere Waal oder ere Abstimmig kä unrepresentativi Meerhäit cha bilde, wenn d Bedäiligung z chlii isch. Wenn s Kworum nid erfüllt isch, gältet die entsprächendi Waal oder Abstimmig as „unbeantwortet“, unabhängig vom Ergääbnis, und es änderet sich nüt am status quo. Formell isch d Vorlaag nid abgleent, aber mäistens chunnts braktisch uf s Gliiche uuse. Dorum reedet mä mänggisch vom ene unächte Schiitere.

Litratuur

• Hüller, Thorsten: Herrschaft des Quorums? Ein Vorschlag zur Lösung eines Problems direkter Demokratie, in: Zeitschrift für Parlamentsfragen (ZParl), Heft 4/2006, S. 823–833.
• Horn, Hans-Detlef: Mehrheit im Plebiszit. zur Voraussetzung eines Zustimmungsquorums bei Volks- und Bürgerentscheiden, in: Der Staat, Nr.38, S. 399–422.
• Jung, Otmar: Das Quorenproblem beim Volksentscheid. Legitimität und Effizienz beim Abschluß des Verfahrens der Volksgesetzgebung, in: Zeitschrift für Politikwissenschaft, 9. Jg. (1999) Heft 3, S. 863–898.
• Otmar Jung / Franz-Ludwig Knemeyer: Im Blickpunkt: Direkte Demokratie, Münche 2001.
• Frank Meerkamp: Die Quorenfrage im Volksgesetzgebungsverfahren, Wiesbade 2011.

Weblingg

• Wiktionary: Quorum
• Grundgesetz für die Bundesrepublik Deutschland (PDF - 128KB)
• Code of Good Practice on Referendums vo dr Venedig-Kommission vom Öiroparoot
• Paul Tiefenbach: Sinn oder Unsinn von Abstimmungsquoren. (PDF; 120 kB) Mehr Demokratie e. V., Positionen zur Direkten Demokratie Nr. 8

Fuessnoote

Dä Artikel basiert uff ere fräie Übersetzig vum Artikel „Quorum_(Politik)“ vu de dütsche Wikipedia. E Liste vu de Autore un Versione isch do z finde.

}

Bitte gib au Achtig uf dr Hiwis zue Rechtstheme!